Մայրենի
ԳՅՈՒԼՍԻՆԱ
Հին ժամանակով լինում է, չի լինում մի հայր ու աղջիկ: Աղջիկն ամեն օր գնում է ջրին մի աղավնի գալիս իջնում է նրա գլխին: Մի օր , երկու օր, երրորդ օրը գալիս ասում է.
-Հայրիկ, ինչքան ջրի եմ գնում մի աղավնի գալիս իջնում է գլխիս ծլվլում, գնում:
Հայրը ասում է.
-Վախնել, որ կգա կիջնի, ասա. <<Աղավնի ջան, ինչ կա ինչ ես ուզում>>:
Առավոտյան աղջիկը գնում է ջրի, աղավնին կրկին գալիս է, նա ասում է
-Աղավնի ջան, ինչ կա ինչ ես ուզում:
Աղավնին ասում է.
-Դու շատ դժբախտ աղջիկ կլինես:
Աղջիկը գալիս հորն ասում է: Այդ գիշեր հայրն ու աղջիկը մի վերմակ և մի ներքնակ վերցնում և գյուղը լքում էն: Շատ են գնում թե քիչ դա էլ իրենք կիմանան, հանդիպում են մի գյուղ, որ դռանը կպնում են դուռը փակ է լինում: Հայր ու աղջիկ դիպչում են մի դռան և այդ դուռը բացվում է, աղջիկը ներս է մտնում և դուռը փակվում է: Հայրը մնում է դռան առաջ աղջիկը՝ դռնից ներս:
Հայրը ասում է.
-Գնա, աղջիկ ջան, դա էլ քո բախտն է:
Աղջիկը, որ մտնում է, այստեղ-այնտեղ մտնում և տեսնում է մի կույր տղա անկյունում նստած: Աղջիկը յոթ տարի պահում է տղային: Օրերից մի օր մի առևտրական գալիս է որևէ բան ծաղելու այդ աղջիկը առևտրականի աղջկան ծառա է վերցնում:
Առևտրականի աղջիկը ամեն օր առևտուր անելու: Մի օր էլ աղջիկը ինքն է գնում առևտուր անելու առևտրականի աղջկան թողնում է տանը: Մինչև իր գալը այդ տղայի աչքերը բացվում են և տեսնում է առևտրականի աղջկան.
-Հը, աղջիկ, այս յոթը տարի դու էս ինձ պահել:
աղջիկն ասում է.
-Ո՛չ, մի ծառա էլ ունեմ, ուղարկել եմ շուկա:
Աղջիկը, երբ վերադառնում է շուկայից տեսնում է, որ տղայի աչքերը բացվել են և ամուսնացել է առևտրականի աղջկա հետ, շատ է զարմանում բայց արդեն ուշ էր:
Օրերից մի օր էլ տղան է գնում շուկա առևտուր անելու, կնոջն ասում է.
-Ինչ կուզես:
Աղջիկն ասում է.
-Ասեղ , մատնոց…
Ծառային ասում է.
-Ինչ ես ուզում:
Ծառան ասում է.
-Դդմենի:
Տղան շուկայից առնում է առևտրականի աղջկա ուզածները,դդմենին մոռանում է, ճանապարհից վերադառնում է, որ առնի, դդմենի ծախողն ասում է.
— Այս ով է ուզում, սրանից վիշտ ունեցողն է ուզում, որ տալիս ես իրեն , ինքն իր վիշտը պատմում է դդմենուն և վերջում ասում. <<Դդմենի ես պայթոմ , թե դու>>, դու կասես. <<Դդմենին>>:
Տղանբերում է աղջկան տալիս , ինքը մտնում է դռան հետև: Աղջիկը ամբողջ վիշտը պատմում է / վերջացնում և ասում.
-Դդմենի ես պայթեմ, թո դու:
Տղան դռան հետևից ասում է.
-Դդմենին :
Այստեղ իրար հասկանում են: Տղան առևտրականի աղջկանից բաժանվում է, Գյուլսինամի հետ է ամուսնանում, առևտրականի աղջկան իրենց աղախին են դարձնում:
Երկնքից երեք խնձոր ընկավ, մեկը՝ լսողին, մեկը՝ գրողին , մեկն էլ՝ արար աշխարհին: